Teri Gussai Najre

Wo gussai nazaro se tera yu sabko dekhna
Jise log Tera Gurur mante the
Usme bhi hum na tera koi kasoor mante the
wo Jo mukamill na ho saka kisi se kiya hua tera wada
Jise Log tera Fittoor mante the
Usme bhi hum na tera koi kasoor mante the

Hum to us din bhi nahi the naraj 
Jis din suni na thi tumne meri aawaj 
Wo tera chor ke jana mughko yu akale
Jise Log tera Kasoor mante the

hum to use sirf apna dastoor mante the
Usme bhi hum na tera koi kasoor mante the

Main Tera Kasoorwar Nahi

Roj ladti hain tu mughse ,
Ye Jaankar bhi ki main tera koi kasoorwar nahi ,

Ha manta hu ki ye haq hain tera
lakin Itna bhi na sata ,
Jaise ki humme koi katra e Jaan nahi .

kosish to tu bhi har roj kar rahi hain ,
Per sayad tughe ye guman nahi ,

Wo to sirf Baatein he to teri jise hum phool samajte hain ,
Jaan mere lele asa bhi wo bhi to koi hatyaar nahi .
Roj ladti hain tu mughse ,
Ye Jaankar bhi ki main tera koi kasoorwar nahi ,

Meri Aadat

Kyu har Roz meri Aadat meri saqsiyat ke liye ek naya Sawal lati rahi
Main har baar nakam hota raha or ye naya imtehaan lati rahi ,

Pahle Teri or Phir is Aadat ko bhulane ki chahat thi mughe ,
To zindagi bhi Nijaat pane ko is se roz naye tareeke aajmati rahi ,

Kabhi makhane ko to kabhi Jaam ko apnati rahi ,
Jaam ka asar asa hua ki laga ki ab meri wo aadat meri wo aadat na rahi
lakin dosto main jikr tha ki ,
ki us haal main bhi meri har baat main baat teri aati rahi .
Kyu har Roz meri Aadat meri saqsiyat ke liye ek naya Sawal lati rahi

Tu he to thi meri wo aadat ,
Jo aaj bhi meri baato main aati rahi ,
or kya kahu kisi se , ki kitna mayush hu khud se ,
Ki tughe bhulane ki ye majburi mughe har roz teri yaad dilati rahi.
Main har baar nakam hota raha or ye har baar naya imtehaan lati rahi ,

Teri Yaade to us syahi se likhi hain ziwan main mere ,
Jisse bina saanse bhi chal nahi sakti ,
Bina Roke Inhe , ye yadeen bhi tham nahi sakti ,
Main yu he mit ta raha , khatam hota raha ,
Main dard sehta raha , or ye roz naya sitam dhati rahi .
Na Ayi saram ise , ye Aadat meri mughko phir bhi aajmati Rahi ,

Kyu har Roz meri Aadat meri saqsiyat ke liye ek naya Sawal lati rahi

Aaj Baat he kuch asi ha

Aaj Baat he asi ha ki kuch likne ka man karta hain 
Sunsan hain itna mausam he ki aahat karne ka mat karta hain ,
Paw mere hain thake hue phir bhi chalne ka man karta hain ,
In Jhuti sari baato main wada karne ka man karta hain ,
Pyar bhare is mausam main kuch kuch ladne ka man karta hain
Hain bikhra andhera jaha jaha roshan karne ka man karta hain ,
Is payrepan ke ghar main chahat karne ka man karta hain ,
Aaj Baat he asi ha ki kuch likne ka man karta hain

Aaj Hawa bhi deemi deemi hain , phir bhi ucha udne ka man karta hain ,
hain vishal agar ye duniya to baho main bharne ka man karta hain ,
Kabhi kabhi to Aakash ka Pamana Banne ka man karta hain ,
Aaj to manjil se bhi kuch ucha udne ka man karta hain ,
Haar bhi jau to bhi kya , Patag ki tarah katne ka man karta hain ,

Aaj Baat he asi ha ki kuch likne ka man karta hain

Meri chah!!

Aaj Phir zindagi ko sawarne ka Jee chah raha hain
Thodi he der ke liye he sahi ,
Is Jism main zindagi ko basane ka Jee chah raha hain ,


Kal dekhe the kuch tute hue phul bazar main ,
Unhe Aangan main apne sajane ka Jee chah raha hain ,


Dushmano se Jaker keh do mere ,
Beeti ranjish bhula de, aaj dosti badane ka jee chah raha hain ,


Choro ko ghar bula ke ,
Aaj sab kuch lutane ka Jee chah raha hain ,

Gujarish hain meri unke Aashiko se sirf itni ,
Ki thoda Door he rahe Mughse ,
Kyuki Unke liye Aaj Dil Jalane ka Jee chah raha hain ,

Kuch der baad ye chahte Kahi Dafan na ho Jaye ,
Isliye aaj na roko Mughe ,
Ijhare -e - Mohabbat farmane ka Jee chah raha hain …

Aaj Phir zindagi ko sawarne ka Jee chah raha hain
Thodi he der ke liye he sahi ,
Is Jism main zindagi ko basane ka Jee chah raha hain .

Intzaar ka hasil

Chalo thoda sa or intzaar he sahi ,
Har baar ki tarah , chalo is baar bhi sahi ,
Is beech us beete hue pal ko yaad kar lete hain ,
Thoda sa or apka intzaar kar lete hain ,


Ye soch ke ki acchi yade acche waqt ki tarah hoti hain ,
Jo Jald hi gujar Jayenge ,
or is beech un palo ko bhi itna yaad kar lenge ki 
ki unhe kabhi bhul na payenge ,


Acchi yade zindagi ko Jene ka sahara hoti hain ,
Gam ke sagar ka ye kinara hoti hain,
Jaha sabhi dawa be-asar ho Jati hain ,
Waha ye Yade kabhi dawa or kabhi dua ban Jati hain.

Chalo waqt to mila in yado to batorne ka , chahe wo kisi ye intzaar main hi sahi ,
warna aaj ki duniya main to khud liye bhi hoti hain waqt ki badi kami ,
Kisi ko intzzar se hoti hain sikayate badi ,
Lakin aaj aya wahi intzaar mere kaam he sahi ,
Chalo thoda sa or intzaar he sahi ,
Har baar ki tarah , chalo is baar bhi sahi ,

Kasi karegi mughe khud se Juda

Tu chahe saath chod bhi de mera ,
Magar Main hamesha tere saath hi rahunga ,


Sikayat hogi meri kisi baat per to ,
Teri Narajgio main bhi main hi rahunga ,


Gussa ayega tughko to ,
Teri beadabiyo main bhi main hi rahunga,


Duwa kargi mughse door hone ki to,
Teri Inayato main bhi main hi rahunga ,

Khusi hogi agar mughse door hone ki to ,
Teri muskurahato main bhi main hi rahuna ,

Musibat main hogi tu kabhi to ,
To tere ghar ke chobaar per bhi main hi milunga ,

Kabhi chot lagegi tughe to ,
Us malham ke aaram main bhi main hi rahunga ,

kabhi aankeh bhar aayegi to ,
Zameen per tere aanuso se main hi girunga ,

kaise door kargi mugko khudse,
Jab har ehsaah main tere main hi rahunga ,

Tu chahe saath chod bhi de mera ,
Magar Main hamesha tere saath hi rahunga ,

Aadat

Is kadar harne ki hume yu aadat si ho gayi ,
Ki ab to apni jeet bhi koi galti si lagti hain ,
Ki mausam koi bhi ho, nikalte hain chata lekar ,
kyuki Sardiyo ki dhoop main bhi ab badi garmi si lagti hain ,
or kabhi to nikalte he nahi , Jab thodi tez hawae chalti hain ,
ab to raat ki sheetal hawa bhi hume jor ki aandhi si lagti hain ,
Baat ko talne main Jo maharat hasil ki hain ,
Usse to taraaki bhi koi ane wali musibat si lagti hain ,
Koi khat ata hain to padne se rok let hain khud ko ,
Na jane isme bhi kon si jahmiyat si lagti hain ,
Na kuch karne ki yu Aadat si ho gayi hain ki ,
Ki Saanso ko lene main bhi badi mehnat si lagti hain ….
Is kadar harne ki hume yu aadat si ho gayi ,
Ki ab to apni jeet bhi koi galti si lagti hain ,….

Wo jawani ki ladkdahat

Abhi se yu saharo ki kyu aadat pad gayi tughe ,
Jab ki theek se tughko ladkhadana bhi aata nahi ,
Umar ke baad bhi Girke phir sambahlne kosish karte hain log ,
Tum in majboot pero se bhi girne ki kosish kar rahe ho kyu.
Saath tera koi nahi dega , kab ye manega tu ,
Sahare ki bheek bhi kab talak mangega tu ,
Sahara kaam to ata hain magar ata hain ek bogh ke sath ,
kab talak us bogh ko sambhalega tu,
Kar aajad khud ko tu , or in pero ko bhi maksad de ,
khud ke pero se chalne ka maja tabhi janega tu ,
Abhi se yu saharo ki kyu aadat pad gayi tughe ,
Jab ki theek se tughko ladkhadana bhi aata nahi ,

Kya Khash hain yaha !!

kabhi kuch khaas nahi hota hain ,
Bas ye ek khusi or ek gam ka ehssas hi hota hain ,
Dabe paw bina aahat kiye zindagi nikalti rahti hain ,
or waqt ko bhi mere koi etraaj nahi hota hain,
ehmiyat humari kyu puchte hain hum tumse ,
khud ko kud ka guman kyu nahi hota hain,
kyu koste hain kabhi khudko kyu koste hain kabhi tumko ,
jab hame he humari zindagi ka ehsaah nahi hota hain !!

Meri Majboori Meri Zindagi

Main sochta hu kya or chahta hu kya ,
kyu Itna bechain kar diya hain tune mughe e meri zindagi ,
Magar kher koi baat nahi
Main kahi beech main hi hu, kinara kyu nahi pata ,
Aaj phir mughe barbaad kar diya hain tune mughe e meri zindagi ,
Magar kher koi baat nahi
Koi pehchaan si hi hain , magar anjan kyu tu hain
Mughe to bewajah hi paresan kar diya hain tune meri e zindagi
Magar kher koi baat nahi

Kaha ho Tum

Tu hain agar mojud har kahi ,
To dundtha tughe harkoi harbaar kyu hain.


Tune hain agar pyar hi baatah ,
To har kahi Gam-e- Bazaar kyu hain.


Tu Kahe ki sab hain tere ,
To koi saccha or koi Gunehgaar kyu hain ,


Tu kahe ki ye kaher or kayamat hain teri ,
To bana batah humara Nigebaan kyu hain .

Tu kahe hi tughe hain humse pyar ,
To phir jannete us paar kyu hain

Tu hain agar mojud har kahi ,

To dundtha tughe harkoi harbaar kyu hain.

Hisab-e-pyar

Jaise kal raat ki hi baat thi ,

Socha wafa-e- hisab hi kar lu ,

kya khoya kya pya maine tere khatir ,

Mera pal bhi paher ho gaya ,

Sirf tere ek deedar ki khateer .

Mera sach bhi zamane ka juth ho gaya ,

Sirf tere ek Aitbaar ki Khateer .

Mere intehaan ki bhi intehaan hi gayi ,

Sirf tere Intzaar ki khateer ,

Mera din bhi raat ho gayi ,

Sirf tere adhure khwab ki khateer ,

Meri chahate bhi bas naam ho gayi ,

Sirf tughe pane ki ek chah ki khateer ,

Mere Ankho se bhi aaj barsat ho gayi ,

Sirf teri ek muskan ki khateer ,

Meri zindgai bhi khaakh ho gayi ,

Sirf tere se sajae-e- pyar ki khateer ….

Jaha tha sab kuch mera

Mera karwa bhi wahi tha , or mera humsafer bhi wahi tha ,

Mera ghar bhi wahi tha or mera akbar bhi wahi tha ,

Mera khusiya bhi wahi thi ,or meri manjil bhi wahi thi ,

Mera humdum bhi wahi tha ,or mera dushman bhi wahi tha ,

Meri guft gu bhi wahi thi ,or mera raajdaan bhi wahi tha ,

Meri intzaar ki gadiya bhi wahi thi , or mera waqt bhi wahi tha ,

Kitni sari icchao se bari thi ,or Kitni kubhsurat wo jagah thi ,

Sirf kuch Fijul ki chize hi nahi thi ,

or wo bhi sari ki sari wo meri thi ,

Mere alfas bhi wahi the , Sirf aawaz hi nahi thi ,

Meri Dil bhi wahi tha, sirf dhadkan hi nahi thi ,

Nadan Dil

kitini bewafa thi tu kya batau tughe ,


ki har yaad main teri ,tere bewafai ke yaad rahti hain ,


yu to teri har baat pe gussa ata hain mughe ,


phir bhi dile nadan se tere liye duwae hi nikalti hain ....

Do pehlu

zindagi ke do pahlu mughe bahut hi paresan karte hain ,
har bar meri samagh ko baimaan karte hain ,
hain ye koi paheli , koi mushkil , ya koi uljgan ,
ya phir hain koi kavita , koi geet , ya koi gunjan ,
Kabhi ahsas main mere ye mere sang chalti hain ,
kabhi mod per aake ye kati patang lagti hain ,
Kabhi mahfil main bhi ye chupchap lagti hain ,
Kabhi dhadkane bhi shor bhari awaaj lagti hain ,
zindagi ke do pahlu mughe bahut hi paresan karte hain ,
har bar meri samagh ko baimaan karte hain ..

Kya dundta hu main

Har Kisi main khud ko dundhta hu ,
Sayad mujhko ye nahi pata hain ,
Jo milta hain khud sa , us se lad leta hu ,
sayad main hi in sab main sabse bura hu ,
falsafa hain ye jarurat ka ,
or main apni jarurat nahi badal sakta hu,
Us se kyu chah rakhta hu ,
Jab main khud ki chahat ko nahi badal sakta hu .

Meri Kisti

Koi mughe meri dubti hui kisti ka samunder De de ,
Tute Khawbo ka koi manjar de de ,
Yu hi katti ja rahi hain bewajah hi zindagi meri ,
Koi in besabar hasil ko inki manjil de de ...
Koi mughe meri dubti hui kisti ka samunder de de.

Meri Khawhise..

Nahi Rukti hain khawhise meri , kisi bhi manjil pe ,
Lagta hain meri Khawhiso ko majil ki pehchan nahi hoti ,
Chalna hi zindgani hain ,
Isliye khawhise he zindagi hain or zindagi kabhi aam nahi hoti ,
jeet ta or jeeta wahi hain is jag main ,
jo khawhise rakhta hain ,
or waise bhi Khawhise rakhna bhi har kisi ki ke bas ki baat nahi hoti ,
Rokna chahta hu bahut inko ,
Per sayad meri Khawhiso ko majil ki pehchan nahi hoti …..

Ek baat

SAB JEETE HAIN U HI , PER KISI BAAT PE MARTE HAIN ,
JATE HAIN ROJ MAINKHANE , PER PAMANA KISI BAAT PE BHARTE HAIN ,
PYAR TO U HI KARTE HAIN LOG , PER JANE KON KISI BAAT PE LADTE HAIN ,
WO UNKI KISI BAAT SE , LAKHO KE DIL TUTE HAIN ,
ISLIYE AB TO HUM UNKI KISI BHI BAAT SE DARTE HAIN …